MMA ginsup ninghkring Nsang Awng La gaw Ken Hasegawa hpe round 2 hta gin sup dang
Japan Mungdan Tokyo Muklum kaw March shata 31 ya shana galaw ai ONE Championship MMA A NEW ERA ginsup poi hta ONE Middleweight hte Light Heavyweight world champion Nsang Awng La gaw Japan Mungdan masha Ken Hasegawa hpe round 2 minust 4 jan aten hta htawng dang sai re.
Nsang Awng La gaw ndai ginsup poi hta hkrak dik ai hku ginsup na hte atsawm akawm shaman shakyang da ai lam nga sai hpe shi sawk ni hpe tsun dan da ai kaw na chye lu ai.
Lai wa sai 2018 ning June shata 29 ya shana Yangon Muklum kaw galaw ai ginsup poi hta mung, Ken Hasegawa gaw Nsang Awng La hpe roung 5 lang hta htawng sum da ai rai nga ai.
Ya du wa na October shata 12 ya shana hta mung Japan Mungdan Tokyo Muklum kaw sha Philippines Mungdan kaw shangai ai American Mungdan masha Brandon Vera hte Nsang Awng La bai htawng ginsup na re lam na chye lu ai.
