Mahku mara golf ginsup shingjawng poi galaw

Mahku mara golf ginsup shingjawng poi hpe Laiza Muklum, Ja Htu Kawng glof pa kaw April shata 19 ya jahpawt hkying 7:30am aten hta hpaw hpawng galaw ai hte, ginsup shingjawng ai lam hpe matut manoi galaw sa wa ai re hpe chye lu ai.

Golf ginsup shingjawng hpaw hpawng lamang hta Ningbaw Kaba Du Daju Jum, Nban La kaw nna hpawng hpaw mungga shaga ai hta “ Mahku mara golf ginsup shingjawng ai lam gaw, simsa lam a kumla mung rai nga ai. Langai hte langai makam nga yang she, simsa lam bawng jahkrup ai lam awngdang na re. Makam lam nnga yang gaw gara hku mung awngdang na n re. Dai majaw ndai golf ginsup shingjawng ai lamang galaw ai lam re ” nga nna tsun ai.

Mahku mara golf ginsup shingjawng poi lamang hpe April 19 hte 20 lahkawng ya tup galaw na rai nna shara shagu na golf ginsup ninghkring ni sa du shang lawm ai hpe chye lu ai.