MNDAA kokang hte Myen hpyen dap ni gasat gala majan matut byin
Mungmyit Sinli Ga ( Kachin Sub-state ) Loi Dau Gangming Ginwang KIA Dap Ba 10 Dap Dung 17 ginra, Nawng Heng Bum, Bangsa Chyi kaw May shata 11 ya shana daw hkying 2:30pm aten hta Myen hpyen dap Hk.M.Y 109 na hpyen n-gun 80 daram hte MNDAA kokang hpyen hpung ni gasat gala majan byin ai lam chye lu ai.
Myen hpyen hpung ni gaw Loi Chyan maga kawn MNDAA kokang hpyen hpung ni nga ai Nawng Heng Bum maga de shamu shamawt sa wa ai majaw, gasat gala byin ai re lam, shawng lam na salang langai tsun ai.
Ndai May shata praw 2 ya shani hta sha, KIA Dap Dung 17 ginra, Loi Dau Bum kaw Myen hpyen dap Ts.K.Hk 10 kata na hpyen hpung ni hte MNDAA kokang hpyen hpung ni gasat gala majan byin ai re.
Myen hpyen dap gaw April shata 30 ya shani hta Jinghpaw Mung hte Sam Mung ginra 5 hta shata 2 hpyen shamu shamawt ai lam n galaw na matu ndau shabra laika shapraw da ai hpang Myen hpyen dap hte MNDAA kokang hpyen hpung ni 2 lang gasat gala majan byin sai rai nna, KIA hpyen hpung ni hte kalang byin sai lam chye lu ai.
