Hpung up sari lu, ta mara aya dang akyu hpyi hpawng galaw

Manmaw Ginwang Laiza Buga Hkalup Hpung Rev. Maran Naw Masat Htingnu kaw May shata 18 ya jahpawt hkying 10:00am aten hta hpung up sari lu, ta mara aya dang akyu hpyi hpawng galaw ai lam chye lu ai.

Hpung up sari dang hkamla ai ni gaw Rev. Lahpai Naw Seng, Rev. Chyinyu Zau Ring hte Rev. Maran Zau Nan ni marai 3 rai nna Rev. Jangmaw Gam Maw kaw nna lata mara aya dang akyu hpyi ya ai.

“Tara hkaw sara kaw na hpung up aya dang ai nga ga si gaw rai nga ai raitim mung, anhte gaw mi kaw na hpung woi sha re. Hpung woi magam bungli kata kaw kaba ai hku nna lu galaw na matu bai shatsam ai sha rai nga ai” nga nna hpung up sari dang hkam la sai Rev. Chyinyu Zau Ring tsun ai.

Hpawng hta Laiza buga hkalup hpung masha ni, laksan hku nna saw shaga da ai Nawng E Hku buga, RCM hte Englican nawku hpung na Sara ni yawng marai 700 tsa daram sa du shang lawm ai lam chye lu ai.