TNLA hte Myen hpyen hpung ni gasat gala majan byin
Mungmyit Sinli Ga ( Kachin Sub-state ) KIA Dap Ba 4 Dap Dung 34 ginra hta shamu shamawt nga ai Myen hpyen hpung ni hpe May shata 27 ya jahpawt hkying 5:00am aten hta TNLA ni Rau Chying Jinghpaw mare hte Man Mawk Jinghpaw mare lapran kaw bawm hkap kapaw bun ai kawn gasat gala majan byin ai.
Ya aten hta KIA Dap Ba 4 hte Dap Ba 10 ginra ni hta Myen hpyen n gun 1000 daram shamu shamawt nga ai lam, shawng lam shi sawk ni kawn chye lu ai.
May shata 25 ya shani hta Man Dung mare kaw dap jung nga ai Myen hpyen Hk.L.Y 130 dap ni gaw sinat kaba gap chyam na re ngu mare salang ni hpe nkajawng na matu tsun ai hpang 5 lang gap ai hta 2 awng ai lam, buga masha ni kawn chye lu ai.
