U Tan Maung hpe Hpakant tara rung kawn mazut roirip tara hte htawng dam 20 ning jahkrat
Asak 6 ning re ai Mary Htoi San Mai hpe mazut roirip ai amu hte seng nna Rakhine amyusha U Tan Maung hpe June shata praw 7 ya shani Hpakant tara rung kawn Yazatat pukma 376 hte htawng dam 20 ning degree jahkrat dat sai lam chye lu ai.
Ndai amu hpe Hpakant Amyusha Zinlum Hpung ni hkan lawm ai rai nna, mabyin lawng lam hpe Sara La Mawng La Tawng ( Hpakant Wunpawng Amyusha Zinlum Hpung Ningbaw ) kaw nna ya na zawn tsun ai.
“Ndai mabyin gaw laisai 2017 ning January shata 7 ya shani Rakhine amyu U Tan Maung asak 60 ning gaw shayi sha Mary Htoi San Mai asak 6 ning hpe Gwihka Bum Nan mare kaw roirip da ai lam byin ai re. Anhte Wunpawng Amyusha Zinlum Hpung ni hku nna ndai mabyin hpe nlu lu hkra hkan ai 2 ning ram na ai hpang she mabyin lu sat ai re”
Wunpawng amyusha ni ndai zawn roirip hkrum ai hta anhte Wunpawng Amyusha Zinlum Hpung ni hku nna manghkang ndai hpe lu hparan lu hkra shakut shaja let ya dai ni ndai mabyin hpe lu hparan kau lu sai re nga nna Sara matut tsun ai kawn chye lu ai.
