Wan Hai makau de Myen hpyen dap ni hpyen n-gun kaba jat lung wa
August, 31 ya shani kawn September, 3 ya shani du hkra galaw ai Tsaban ( 21 ) Panglung Zuphpawng hta Sam Mung Rawt Jat lam Party SSPP/SSA ni kawn Mungdan ting gap hkat jahkring na matu hpyi shawn nga ai ten Myen hpyen dap ni gaw SSPP/SSA ginjaw Wan Hai ginra de hpyen n-gun kaba
August, 31 ya shani kawn September, 3 ya shani du hkra galaw ai Tsaban ( 21 ) Panglung Zuphpawng hta Sam Mung Rawt Jat lam Party SSPP/SSA ni kawn Mungdan ting gap hkat jahkring na matu hpyi shawn nga ai ten Myen hpyen dap ni gaw SSPP/SSA ginjaw Wan Hai ginra de hpyen n-gun kaba jat lung wa ai majaw majan byin wa na tsang nga ai lam na chye lu ai.
Tsaban ( 21 ) Panglung Zuphpawng hta SSPP/SSA ( ဗိုလ္ခ်ဳပ္ၾကီးေဆထင္ ) kawn Sinat nsen, Bom nsen ni lapran kaw simsa lam bawngban na matu gaw yak na re, simsa lam bawngban na matu lahkawng maga gap hkat jahkring shawng ndau ra na re, Myen hpyen dap ni shawng ndau ai hpang anhte rawt malan ni ndau na re nga nna tsun ai hpe mung chye lu ai.
Lai wa sai Tsaban ( 21 ) Panglung Zuphpawng galaw na hkyen ai aten August, 28 ya shani mung ( တန္႕ယန္းျမိဳ႕နယ္ ) kata SSPP/SSA hpung ni nga ai de Myen hpyen dap dingdung daw Lashu hpyen dap Daju Y.M.Hk npu Hk.L.Y ( 33 ) ni htu shadut gasat ai majaw gasat gala majan byin ai lam mung chye lu ai.
SSPP/SSA ginjaw Wan Hai, Sammung dingdung daw ( တန္႕ယန္းျမိဳ႕နယ္ ), ( မိုင္းရယ္ျမိဳ႕နယ္ ) hte Sammung dingda daw ( ေက်းသီးျမိဳ႕နယ္ ), ( မိုင္းရူးျမိဳ႕နယ္ ) maga de Myen hpyen dap ni hpyen n-gun kaba wa jat ai majaw hpyen masa sadi maja ra sai lam na chye lu ai.
