Nyein su zi pukma 19 hte tara jawat hkrum ai shadang Pawlu hte shayi Seng Nu Pan yan pahkam hte bai wa

Hpyen yen tsin-yam hkrum hkamsha lam hpe lam ntsa kaw hkrang shala dan ai ( Street performance ) lamang hpe woi awn galaw ai shadang Pawlu hte shayi Seng Nu Pan yan gaw nyein su zi pukma 19 hte tara jawat hkrum ai hpe June shata 11 ya shani hta Sara Zau Jat hte  Sara Peter Awng yan a pahkam hte Myitkyina tara rung kaw nna bai wa ai lam chye lu ai.

“Nyien su zi hte tara njawat ging ai hpe jawat ai ga rai nga ai. Ahte gaw ပြဲမိန္႔ gaw mara da sai. June 8 ya shani na matu, 9 ya shani na matu gaw langai sha re ngu chyena na anhte ni laika gaw nmara sai. Raitim ndai gaw ပြဲမိန္႔ လမ္းေၾကာင္း hku she re ai wa, ပြဲမိန္႔ kaw gaw upadi nnga jang she, anhte hpe nyien su zi hte mung nseng ai nyien su zi pukma 19 hte tara jawat ai rai nga ai, shanhte gaw mara nga ai i? nga tsun ai le, anhte gaw nnga ai ngu ai, mara nga ai nga yang jawm gaw dai ni ngut yang mung she nngut na i? tara jawat da ai Pyada Du wa gaw nsa ai” nga nna shadang Pawlu tsun ai.

June shata praw 9 ya shani hta Myitkyina Muklum, Bo Chuk nampan sun hte Pyitu Yinpin shara 2 kaw hpyen yen ni hkam sha ai lam hpe, lam ntsa shingni hkrang shala Street Parformance galaw ai majaw, June shata 10 ya shani hta Myen Balik Du Min Than Zaw tara jawat da ai re.

Ndai amu hte seng nna du wa na June shata 19 ya shani hta tara rung bai dung na re lam chye lu ai.