Mali Nmai hka madim tsep kawp n galaw na matu hkumzup bawng ban hpawng galaw
Mali Nmai hka madim hpe tsep kawp n galaw na matu hkumzup bawng ban hpawng hpe June shata 21 ya shani hta myitkyina kaw galaw ai lam na chye lu ai.
“ ya ten hta Mali Nmai hka madim hte seng nna gara hku matut galaw na, ganing re ai masa ni naw nga ai, gara hku galaw ra ai lam ni, anhte myitsone hpe gaw hpa hte ma nmai galai ai sha n ga myen mung ting a matu ahkyak ai hka nu langai rai nga ai re majaw ndai Mali Nmai hka madim hpe gaw uhpung uhpawng ting mung ninghkap ai re. Jinghpaw mung ting hku nna mung yawng jawm gahkyin gumdin let anhte a Mali Nmai hka madim hpe tsep kawp nmai galaw shangun ai, ninghkap ai lam hpe galaw ga. Jawm ninghkap ai lam ni galaw lu na matu anhte ni yawng myit hkrum ai Uhpung ( snr ) Komiti langai mi hpe hpaw let shakut shaja sa wa ga ngu bawng ban la ga ai” nga nna Tang Hpre buga na Jan Nhkum Ja HKawn tsun ai.
Hkumzup bawngban hpawng hta သဘာ၀ပတ္၀န္းက်င္ ပညာရွင္ ေဒါက္တာျမင့္ေဇာ္, Yangone kaw na du sa ai တရားလႊတ္ေတာ္ ေရွ့ေန ဦးျကီးျမင့္, Njang Yang kaw na dat kasa rai nga ai Salang Zau Mu Naw, Parti Ningbaw ni, KBC kaw na ni, Waimaw kaw na Hpunggyi kaba, Wa Jau Dr. Hka Awng Tu, Jauman buga masha nkau mi hte Ginra shagu na buga masha ni yawng 100 jan daram shang lawm bawng ban ai re lam chye lu ai.
