KIA hte Myen hpyen hpung ni gasat gala majan byin
Mungmyit Sinli Ga ( Kachin Sub-state ) KIA Dap ba 4, Dap dung 8 ginra hta KIA hte Dap mying nchye ai Myen hpyen hpung ni Kaleng Nawng Pa, Zup Awng IDPs Camp nnan makau kaw June shata 23 ya jahpawt 6:30am aten kaw kalang, shana daw Hkying 2:30pm aten Mawa Yang kaw kalang numdaw 2 lang gasat gala majan byin ai lam chye lu ai.
“Gasat gala byin ai lam gaw Myen ni gaw galoi mung shamu shamawt taw nga ai re majaw ang katut nna gasat gala majan byin wa ai re. Ya yang gaw Shamu shamawt taw nga ai hpyen hpung ni grai law ai re majaw hpyen dap mying gaw garai nlu sagawn shi ai re” nga nna shawng lam na salang langai tsun dan ai.
KIA Dapba 10 Dap dung 17 ginra Makdoi Bum kaw mung June shata 19 ya shana hkying 8:00pm aten hta KIA hte Myen hpyen dap Dapnu 99 kata na hpyen hpung n gun 80 daram hte munite 30 daram gasat gala majan byin ai lam chye lu ai.
