TNLA hte Myen hpyen dap ni gasat gala majan byin

TNLA Dap Ba 6 ginra, Lashio Ginwang, Loi Lam Bum mayan hta shamu shamawt nga ai Myen hpyen dap, Ts.K.Hk 10 kata na hpyen hpung ni hte TNLA hpyen hpung ni July shata praw 1 ya shani gasat gala majan byin ai lam na chye lu ai.

Myen hpyen dap ni, TNLA hpyen hpung ni nga ai Loi Lam Bum mayan de shamu shamawt htu lung wa ai majaw gasat gala majan byin ai re lam, dai ginra na buga masha ni tsun dan ai.

Myen hpyen dap kawn June shata 30 ya shani hta ginra 5 kaw hpyen shamu shamawt lam hpe August shata 31 ya du hkra aten shata 2 bai jat masat da ai hpang July shata praw 1 ya shani hta TNLA hpyen hpung ni hte ya na zawn gap hkat ai re lam chye lu ai.

Mungmyit Sinli Ga ( Kachin Sub-state ) KIA Dap Ba 4 Dap Dung 8 hte Dap Dung 34 ginra de mung, July shata praw 1 ya shani hta Myen hpyen dap ni hpyen n gun 100 jan shamu shamawt du nga ai lam, ginra shi sawk ni kawn chye lu ai.