American Datkasa Salang Scot Marciel Myitkyina hpyen yen dabang de sa du gawan
Jinghpaw mung Myitkyina mare kaba hta wa du nga ai American Dat Kasa Salang Scot Marciel gaw September 26 ya shana daw Myitkyina hte ni nawn ai hpyenyen dabang hkan e, sa du gawan nhtawm hpyenyen nga ai mungshawa ni a yak hkak ai lam ni hpe
seng ang ai de tang madun nhtawm garum ntum jaw sa wa na lam tsun ai hpe na chye lu ai.
American Dat kasa Salang Scot Marciel gaw Jinghpaw mung hta shawng nnan lang ngu na sa du gawan ai rai nhtawm, September 27 ya shana daw hkying 4:00pm aten hta Shatapru manau wang, Majoi Gawk Nu hta Jinghpaw Mungdaw Uphkang Salang ni, Mung Masa Paty ni, Myusha Zinlum Hpung ni, Garum n-tum hpung ni hte Hkristan makam masham shagu na hpung woi ni hte rau hkrumzup ai lam galaw ai hpe mung na chye lu ai.
Jinghpaw Mungdaw Democrecy Party Slg. Dr Tu Ja hte လႊတ္ေတာ္ Dat kasa Salang ni hte mung shana daw de laksan hkrum jahta ai lam nga ai hpe mung chye lu ai.
American Dat kasa rung kawn tsun ndau ai hta Dat Kasa Slg Scot Marciel kawn Jinghpaw mung hta sa du gawan ai lam gaw Jinghpaw mungdaw mungchying sha ni a nsen hpe madat lu na matu hte American Asuya kawn kaning re ai masa lam ni hta garum ningtum jaw ra ai lam ni hpe sa du gawan gatsan let bawngban ai lam re nga nna ndau tsun tawn ai lam nga ai hpe mung mu chye lu ai.
