Lamu marang matut manoi htu nga ai majaw ga gyi mahkrai daw ai lam ni byin

Lamu marang shani shagu matut manoi htu nga ai majaw modo lam ni ga gyi pat mat ai sha n ga mahkrai daw ai lam ni byin ai majaw hkawmwa hkawmsa mungshawa ni yakhkak nga ai lam na chye lu ai.

Laiza Muklum kawn Myitkyina wa ai lam Nam San Yang hka kaw galaw da ai kawa mahkrai mung hka tung wa ai majaw daw mi yawng lawm mat ai lam, hkrun lam hkawm salang langai shana wa ai.

July 24 ya shani hta mung Mai Ja Yang yu wa lam kaw lam gyi pat mat ai majaw hkrunlam hkawm mungshawa ni a modo, cycle ni nmai lai yak hkak nga ai re. Lam rung ni kaw nna gaw ga ganaw jak Back-hou ni hte galaw nga ding yang re lam chye lu ai.