KIO Ginjaw Ginra na gasat gala majan
KIO Ginjaw ginra, ( 252 ) Dap Nawng Dap Dung hpyen hpung ni nga ai Nhkram Gidon hpyen dap hpe Myen hpyen dap ni September, 28 ya shani mung jahpawt hkying 8:00am aten kaw nna shani tup ngu na daram gap gasat nga dingyang re lam na chye lu ai.
Jahpawt daw gaw KIA hte Myen hpyen dap lahkawng maga de na sumtsan gap laknak kaba hte sha gap gasat hkat nhtawm shana maga hkying 3:00pm aten daram kaw nna gaw
Myen hpyen ni lagaw lam hte htim gasat bang wa ai majaw KIA hpyen hpung ni ninghkap gasat ai lam na chye lu ai.
Nhkram Gidon hpyen dap hpe lai wa sai August shata kaw nna Myen hpyen ni htim gasat hpang wa ai hta nnan daw gaw Myen hpyen ni hpyen n-gun ( 10 ) jan daram hte shawng akajawng sha htim gasat ai lam, Dai hpang Dap daw madang hte bai htim gasat ai lam, Dai hpang Dap Dung (wyf&if;) hte bai htim gasat nna, Ya gaw Dap Dung (wyf&if;) ni mung 10 daram du hkra jat wa nhtawm, Nbungli dap, Amyawk dap, BGF hte P.T.Ts hpyen hpung ni du hkra shanglawm nhtawm htim gasat wa ai hpe chye lu ai.
Dai hte maren KIA Dap Dung ( 3 ) Lai Hpawng hpyen dap hpe mung August shata kaw nna Myen hpyen dap ni htim gasat hpang wa ai hta Nnan htim gasat ai shaloi gaw hpyen n-gun nlaw ai, hpang daw de hpyen n-gun grau jat nna n-gun kaba hte htim gasat wa ai re.
Jinghpaw Mungdaw hte kaga Mungdaw ni kaw gasat gala majan kade byin nga ai raitim Gumsan Magam Thin Kyaw hte Daw Awng San Su Kyi yan gaw, Ga hkaw mi pyi n tsun shaga ai hpe yu yang NLD asuya nan mung Myen hpyen dap a DDR ngu ai (vufeufjzKwfodrf;a&;/ vufeufzsufodrf;a&;/ t&yfzufodkUjyefvnfxnfhoGif;Ncif;) ngu ai Policy kaba hpe hkrang shapraw lawm nga ai lam hpe mu chye lu nga ai.
