IDPs Ramma ni kawn woi awn nna hpyen yen mungshawa ni shawa n-gun madun

Hpyen yen ramma ni kawn woi awn nna hpyen yen mungshwa ni a hkam sha lam, shawa n-gun madun ai hpe Myitkyina myo, Nam pan sun, Bu Chuk ေႀကးရုပ္ makau hte Myitkyina Gat kaba lapran kaw September shata praw 5 ya shani kaw nna galaw hpang nhtawm, praw 9 ya shani du hkra 3 ya tup galaw na re lam chye lu ai.

Shawa n-gun madun yaw shada lam hpe Kachin Youth Movement kaw na Saranum Sut Seng Htoi ya na zawn tsun ai. “IDPs ni a hkam sha lam hpe Myo mare kaba ntsa kaw nga ai kanu kawa ni yawng mung ndai hpe chye na hkawn hkrang nna, hkam sha ya lu na matu re, ya anhte ni wang lu wang lang lu tsun shaga htawng madun mai ai nga tim, tara upadi hte galoi ma bai shachyat ai katut taw ai re majaw Freedom of Expression lu wa na matu ngu ai hpe htawng madun mayu ai, anhte a tara je yang ai hpe yu dat yu yang ntara ai, tara agyi wa hku nna mung teng man nna rap ra ai hku galoi ndaw dan ai, IDPs ni hkam sha ai lam hpe lam ntsa kaw Performance woi galaw ai Sara Pawlu hte saranum Seng Nu Pan yan hpe mara nnga ai hpe ya na zawn htawng jahkrat ai lam gaw ntara ai, mara nnga ai hpe mara nga ai hku galaw kau ai re majaw လြတ္လပ္ျပီး မွ်တတဲ့တရားစီရင္ေရးစနစ္ lu wa na matu hte hpyen majan byin wa sai nga yang gaw masha kaba ni gaw simsa lam hpe saboi ntsa kaw jahta taw tim, tinang a dum nta ni hkrat sum kau ai gaw anhte mungshawa ni sha re majaw ျပည္သူသည္စစ္ရဲ  တစာခံမဟုတ္ပါ  ngu ai hpe kalang bai message jaw mayu ai majaw galaw ai lam re” nga nna tsun ai.

Democracy mungdan re majaw moi na စစ္အာဏာရွင္စနစ္ zawn rai nna, hpa pi nmai tsun shapraw ai zawn re gaw nmai sai, dai re majaw anhte ni gaw Freedom of Expression hpe ra ai, masha ngu gaw shangai wa ai kaw nna chye myit chye sawn ai bawnu hte myit sawn sumru ai lam hte shangai wa ai re majaw, ndai lam hpe wang lu wang lang lu htawng madun yang she anhte a wuhpung wuhpawng, anhte a mung dan hpe mai kaja ai hte simsa ai hku nna, lu gaw de wa na re, raitim anhte a hkam sha lam hpe n madat ya sai nga yang gaw gara hku ma anhte a mungdan gaw, jet ai sim sa lam hpe lu gaw de na nmai myit mada sai re majaw Freedom of Expression na matu, young generation rai nga ai ramma ni hku nna hpyi shawn mat wa na mung yawng na lit re ai zawn, anhte mung seng ang ai de hpyi shawn ai lam matut manoi galaw sa wa na re nga nna Saranum matut tsun ai.

Shawa n-gun madun na matu masha marai 200 ngu nna jahpan tang da ai raitim, ya ten hta sa du n-gun madun lawm ai mungshawa ni yawng marai 250 jan sai lam chye lu ai.