KIA hpyen dap Gidawn Post hpe Myen asuya hpyen dap ni gasat nga ding yang
KIA Dap Nawng Daju ( 252 ) Dap Nawng Dap Dung Gidawn Post hpe October, 10 ya shani Nbungli hte Sumtsan gap Amyawk hpan hkum sumhpa ni hte gap gasat nhtawm
lagaw lam hku nna hpyen n-gun law law hte htim gasat ai lam na chye lu ai.
Bai, October, 9 ya shana hkying 7:00pm aten daram hta mung wan pala kaba ni sung lang nna lagaw lam hte htim gasat ai lam mung matut na chye lu ai.
Myen asuya ni hku nna Gidawn hpyen dap hpe ( 53 ) ya laman htim gasat ai lam hta Nbungli dap, Amyawk dap, Lagaw lam dap n-gun kaba, Laknak hpan myu hkum, Hpyen zai ladat hkum hkra hte gasat ai re lam mung na chye lu ai.
Myen asuya hpyen dap ni gaw Gidawn Post hte Lai Hpawng hpyen dap ni hpe sha gasat ai hku n re, KIO ginjaw ginra shara shagu hte KIA Dap Ba ( 3 ),( 4 ) hte ( 6 ) shara ni de hpyen n-gun kaba laknak n-gun kaba ni hte kahtep shani du shang wa ai lam na chye lu ai.
Myen asuya hpyen hpung ni hku nna hpyen yen mung shawa ni a malu masha hte tsi mawan ni yanwg pat shingdang kau ya ai lam mung matut na chye lu ai.
