Gidawn Post hpe Jet Nbungli hte madung dat nna matut gasat nga ding yang
KIA hpyen dap ( 252 ) Dap Nawng Dap Dung ginra hta October, 11 ya jahpawt hkying 9:00am aten daram kawn Myen asuya hpyen hpung ni Nhkram, Gidawn, Dawi, Zi-un hte Maisaw post
ni de Jet Fighter nbungli, Sinat kaba ni htehtim gasat lung wa ai hpe KIA myutsaw hpyen hpung ni shing la gasat dat ai lam na chye lu ai.
Matut nna, KIA Dap Ba ( 5 ), Dap Dung ( 3 ) ginra hta October, 11 ya jahpawt hkying 6:00am daram kaw nna Dingga hte Sut Hkawng mare maga hku htu shadut lung wa ai Myen asuya hpyen hpung ni hpe shingla gasat dat ai hpang hkying 10:00am aten daram kaw na Jet Fighter nbungli ( 2 ) hte Lagaw dap ni kalang bai Lai Hpawng maga wa htim gap gasat lung wa ai hpe mung KIA hpyen hpung ni gasat ai lam lu ai.
Bai, October, 10 ya shani hkying 1:00pm aten daram hta mung Myen asuya hpyen hpung ni KIA Zi-un post maga htim gasat lung wa ai lam mung na chye lu ai.
October, 7 ya shani kaw nna Jet Fighter ni hpe madung n-gun dat nhtawm KIA shawng lam post ni hpe wa gap gasat nga ai lam chye lu ai dai nbungli ni jahkrat dat ai Bawm n kau mi UN kawn hkum pat tawn ai Barrel Bawm mung lawm ai lam na chye lu ai.
