7th lang ngu na Mungchying Amyusha Media Hkrum Ra Zuphpawng galaw

KNG ( Kachin News Group ) jinghpaw shiga dap ni hte BNI ( Burma News International ) ni kawn woi awn nna 7^th lang na Mungchying amyusha media hkrum ra zuphpawng hpe Myitkyina Muklum Shatapru Manau wang, Majoi gawknu kaw September shata 16 ya shani kawn galaw hpang nhtawm September shata 18 ya shani du hkra 3 ya tup galaw na re lam chye lu ai.

Yaw shada lam hpe Mungchying amyusha media hkrum ra zuphpawng poi shabyin shatai na Ningtau Ningbaw Lagwi Htang Ying ya na zawn tsun ai. “ Ya dai ni anhte ginra hta freedom of expression grai yawm ai majaw freedom of expression grau nna nga wa hkra, shiga hta shiga la ai သတင္းသမားေတြရဲ့လံုျခံဳမႈပိုင္းဆိုင္ရာ lam ni,                 တိုင္းရင္းမီဒီယာရည္ရွည္တည္တံ့ရပ္တည္နိုင္ဖို ့ngu ai ga baw ni, dai ni na democracy mung masa lam hta grau nna anhte media hku nna galoi mung shading sharai wa lu na matu ngu ai yaw shada lam hte galaw ai lam re” nga nna tsun ai.

Bawngban jahkrup ai lam hta September 16 ya shani gaw သတင္းသမားေတြရဲ့လံုျခံဳမႈပိုင္းဆိုင္ရာ lam ni, ့ တိုင္းရင္းမီဒီယာရည္ရွည္တည္တံ့ရပ္တည္နိုင္ဖို ့ သတင္းမီဒီယာေကာင္စီ hte seng ai lam ni, Nika Projet a ntsa hta gara hku re ai lam ni, hpyen yen hte seng ai lam ni, Asuya hte mungshawa ni a lapran hta ganawn mazum ai lam ni gara hku re ai, asuya hku nna ginra masha ni hpe ganing rai yu matut mahkai taw nga ai, tsun dan ai lam gara hku  re ngu ai ni hpe bawng ban jahkrup ai re.

September 17 ya shani hta gaw Media hpe gara hku nna gawn hkang sa wa na, grau nna madang tsaw hkra gara hku hkawm sa wa na ngu ai daw ni hte anhte a ginra hta byin taw nga ai mung masa lam Rev. Dr. Hkalam Samson hte Saranum Seng Nu Pan yan byin ai mabyin lam ni hpe tsun sang lang dan ai lamang ni, IDPs camp hte hka ja hkrun lam hkawm ai zawn re ni nga ai re.

September shata 18 ya shani hta gaw Mungchying amyusha media policy langai pru wa hkra ngu ai yaw shada lam hte galaw ai re majaw Mungchying amyusha media hte seng ai lam ni hpe bawng ban jahkrup ai lam ni galaw na re hte bawngban jahkrup la lu ai lam ni hpe mahtai shapraw mat wa na lam ni nga na re lam Lagwi Htang Ying tsun dan ai.

“Anhte Jinghpaw shiga dap zawn re ni gaw laga shara ni hta shiga la hkawm ai shaloi raitim anhte myiman nnga ai lam ni, masha yu kaji ai hkrum ai zawn re ni nga ai re majaw mungchying amyusha media hkrum ra zuphpawng galaw ai a majaw ndai lam ni hpe grau nna htawng madun lu hkra ngu ai lam ni hpe myit mada ai re” nga nna matut tsun ai.

Media hkrumra zuphpawng hta Myen mung ting hta nga ai Mungchying amyusha media hpung ni, music media, garum ningtum hpung ni, Jinghpaw mung CSO ni hte Mung masa Party Salang ni, Asuya Salang ni yawng marai 200 jan daram sa du shang lawm ai lam chye lu ai.

Mungchying amyusha media hkrumra zuphpawng hpe laning mi hta kalang galaw ai rai nna, 1^st lang na hpe Mawlamyine kaw galaw ai, 2^nd lang na hpe gaw Harhka kaw galaw ai, 3^rd lang hpe gaw Taunggyi kaw galaw ai, 4^th lang ngu na hpe gaw Myok Oo kaw galaw ai, 5^th lang ngu na hpe gaw Loikaw kaw galaw ai, 6^th lang na hpe gaw Ba-An kaw galaw ai re hte 7^th lang na hpe gaw Myitkyina Muklum kaw galaw ai lam chye lu ai.

Photo: KNG