Mungkan Wunpawng Shinggyim garum n-tum hpung Salang ni Laiza sa du gawan

Mungkan Wunpawng Shinggyim garum n-tum hpung, Ningtau Amu Madu Mr. Stephen O’Brien hte Dat Kasa Salang ni October, 13 ya shani Laiza de sa du nna Ginjaw hpyen yen lakawm lanawn Komiti salang ni, Hpyen yen dabang yu reng Komiti salang ni, Hpyen yen mungshawa ni hte

hkrum shaga ai lam chye lu ai.

Mr. Stephen O’Brien gaw Woi Chyai hpyen yen dabang de sa du gawan nhtawm hpyen yen mungshawa ni a mayak ni hpe san la ai lam galaw nhtawm, Myitkyina de bai n htang wa sai lam chye lu ai.

Mr. Stephen O’Brien hte Dat Kasa Salang ni gaw October, 11 ya shani kaw nna Myen mung de du nga sai re lam, Hpyen yen mungshawa ni hpang de garum n-tum sa ya ai hpe Myen hpyen dap kawn pat shingdang ai lam n galaw ya na matu seng ang ai Myen mung asuya salang ni hte  bawng ban jahkrup na matu du sa ai re lam chye lu ai.