Mungmyit Sinli Ga ginra hta Myen Hpyen Dap hte KIA, TNLA ni ni gasat gala majan byin
Mungmyit Sinli Ga ( Kachin Sub-state ) KIA Dap Ba 6, Dap Dung 9 ginra hta shamu shamawt nga ai Myen Dapnu 99 kata na hpyen n gun 80 daram hte KIA hpyen hpung ni September shata 20 ya shani hta Ura mare lahta Magwi Hkyet kaw gasat gala majan byin ai lam chye lu ai.
Myen Hpyen Dap ni kawn KIA Dap Dung 9 ni shara jahkrat nga ai maga de jahte tam laknak kaba ni hte gap bun wa ai lam, shawng lam shi sawk ni shana wa ai kawn chye lu ai.
September shata 24 ya shani hta gaw Ga Leng Ginwang Daw ginra, Paju mare hte Kungsa mare lapran na bum kaw TNLA ni nga ai shara de Myen Hpyen Dap Hk.L.Y 45, 242 dap na pawng hpawm hpyen hpung ni htu lung wa ai majaw gasat gala majan byin ai.
September shata 25 ya hta mung mani gap hkat ai shara kaw sha, daihpawt hkying 5:00am aten kaw nna TNLA hte Myen Hpyen Dap ni matut gap hkat nga ai lam na chye lu ai.
