Mai Kai Ginwang hta du nga ai Myen hpyen dap ni hpe dawm la na matu Ginra masha ni tang shawn
Lahta Sammung, Mai Kai Ginwang တံုးေလာ mare Hpunggyi jawng hta hpyen koi yen nga ai mungshawa ni hte Hpunggyi ni kawn October, 12 ya shani, dai ginra hta du nga ai Myen hpyen dap ni hpe dawm mat wa na matu n-gun madun ai lam chye lu ai.
October, 12 ya shani Sammung Hkringmang wa hte Mungdaw asuya salang ni တံုးေလာ kaw na Hpyen yen mungshawa ni hpe garum n-tum jaw na matu sa du ai rai nna, n-gun madun ai mungshawa ni kawn
dai ginra hta du nga ai Myen hpyen dap ni hpe nra sharawng ai lam mungdaw asuya salang ni hpe tang madun lu ai majaw kabu ai lam chye lu ai.
Gasat gala majan byin ai ten, RCSS/SSA ni a Ka-ni dawn dabang kaw Ka-ni dawn hkam nga ai masha marai ( 25 ) hpe Myen hpyen dap ni rim woi mat ai hpe MWD shiga dap kawn yawng bai dat ya sai ngu ndau ai rai tim marai lahkawng gaw grai n du wa shi ai lam chye lu ai.
Dai hpyen yen mungshawa ni gaw October praw, 1 ya shani ပန္ပဲြ mare hta RCSS/SSA hte Myen hpyen hpung ni gasat gala majan byin wa ai majaw တံုးေလာ mare Hpunggyi jawng de hpyen koi yen wa ai re hpe chye lu ai.
Laknak lang rawt malan hpung RCSS/SSA gaw NCA lekmat htu ngut ai hpang, Myen hpyen dap hte gasat gala byin ai gaw ndai lang hte rai yang ( 3 ) lang byin ai re hpe mung chye lu ai.
