Japan Mungdan hta galaw ai Century of One Championship ginsup poi hta Brandon Vera hpe Nsang Awng La htawng dang
October shata 13 ya shana Japan Mungdan Tokyo Muklum kaw galaw ai Century of One Championship ginsup poi hta MMA ginsup ninghkring Nsang Awng La gaw MMA ginsup ninghkring Brandon Vera hpe htawng dang la lu sai hpe chye lu ai.
Myen Mung a gawng malai rai nga ai Nsang Awng La hte American kaw shangai ai Philipine Mungdan masha Brandon Vera yan htawng ginsup mat wa ai hta Nsang Awng La kawn round 2 lang minute 3 jan hta htawng galau dang kau lu ai re.
Nsang Awng La gaw Light Heavyweight Ja shingkyit hpe shawng nnan lang makawp ai poi rai nna, Midleweigth Ja shingkyit hpe gaw, 3 lang makawp da lu sai wa mung rai nga ai.
Wunpawng Mungdan Shanglawt Hpung Ginjaw Komiti kaw nna mung, Atsam Ningtawn Salang Nsang Awng La nga nna laika pa hte shakawn shagrau dat ai hpe mu chye lu ai.
