Jawngma Dap ABSDF hpaw shabawn ai 31 ning hprin masat ninghtoi hpawng galaw
Jawngma Dap ABSDF hpaw shabawn ai 31 ning hpring masat ninghtoi hpawng lamang hpe November shata praw langai ya jahpawt hkying 10 am aten hta laiza muklum Janghtung Lahkum Bum ေဒါင္းစစ္သည္ ခန္းမ kaw galaw ai lam chye lu ai.
Jawngma Dap 31 ning hpring ai masat ninghtoi hpawng hpe sara Zeya Aung kaw na Karai Kasang kaw akyu hpyi ya ai. Dingdung daw Jawngma Dap a Komiti Ningbaw Sara Labya La Seng kaw nna ra mara lam hpe tsun shana ai. Dai hpang Jawngma Dap byin pru wa ai labau kadun hpe Gyi Jum ညိဳ ညိဳလင္း kaw na hti shalai ya ai.
Jawngma Dap a mungmasa hpyen masa labau lam hpe Du Jum တင္ေဇာ္ဦး kawn tsun sang lang dan ai. Du ေမာင္ဦး kaw nna mung Jawngma Dap a ndau shabra laika hpe hti dan ai.
Masat ninghtoi hpawng galaw ai a yaw shada lam hpe Dindung daw Jawngma Dap a Komiti Ningbaw Sara Labya La Seng ya na zawn tsun ai.
“Anhte Myen mungdan kata hta hpyen gumshem lailen hkrat sum mat mat na matu nnga mat na matu myusha rawt malan mungshawa ni hte ta gindun nna hpyen masa mungmasa rau jawm galaw ai gaw dai ni 31 ning hprin sai. Myen mungdan gaw hpyen gumshem lailen hpan amyu myu hte nga lai wa ai, dai ni du hkra nmat shi ai. Shanhte hpe makawp maga na 2008 ning Mungdan a gaw da ai tara dai hpe jum manat nna mungshawa ni hpe matut nna zingri zingrat dip up sai chyup taw nga ai ten re. Dai majaw anhte a mungdan kata hta hpyen gumshem lailen mat mat na matu amyu sha rawt malan hpung, mungshawa ni hte matut nna rawt malan galaw sa wa na” nga nna tsun ai.
1988 ning November shata praw 1 hte praw 5 hta nambat langai lang na Jawngma Dap byin pru wa na matu zuphpawng kaba galaw ai. Dai shani kaw nna hti dat yang dai ni gaw 31 ning hpring ai masat ninghtoi hpawng re. Masat ninghtoi hpe shaning shagu galaw ai re. Hpawng lamang hta Jawngma Dap na magam gun ni hte KIA salang ni sa du shang lawm ai lam chye lu ai.
