Myen Balik La langai Asak nhpring ai Wunpawng Num Sha langai hpe mazut roi rip
Mung Myit Sinli Ga ( Kachin Sub-State ), Sinli makau, Kawng Haw mare na Wunpawng Shayi Sha Asak ( 16 ) ning, Tsang ( 8 ) Jawng Num hpe November, 1 ya shana mahkrai sin Balik La langai mazut roi rip kau ai lam
chye lu ai.
Dai Num sha gaw Kawng Haw mare, N ta masha ni hte ga li ga law hkat ai lam nga ai majaw shana hkying 10:00pm aten Sinli mare, Kagu Kamoi ni N ta de sa yup na matu lam hkawm wa ai hta Nam Matu hka mahkrai sin ai Balik La langai Cycle hte masu htaw mat nhtawm, manam jarawp de woi bang mat wa ai re lam chye lu ai.
Dai shayi sha hpe roi rip ai ten Balik La wa gaw marawn yang gap sat kau na ngu sinat hte jahkrit shagyeng nna, hpang jahpawt hkying 3:00am aten hta N ta de bai wa sa ai lam, Balik La hpe rim da nna seng ang ai mare Salang ni hte Balik Du ni jep nga ding yang re lam chye lu ai.
