Myen hpyen hpung ni KIA shawng lam post ni de laknak kaba gap bun
KIA Dap Nawng Daju, ( 252 ) Dap Nawng Dap Dung ginra, Myen hpyen hpung ni November, 3 ya jahpawt hkying 4:50am aten daram kawn Nhkram Bum mayan na KIA shawng lam post de laknak kaba gap bun ai hpang shana daw hkying 6:50pm aten hta MM ( 81 ), ( 120 ) hte ( 107 ) ni hte
gap bun ai lam chye lu ai.
Mung Myit Sinli Ga ( Kachin Sub-State ) Dap Ba ( 6 ) Dap Dung ( 36 ) ginra hta shamu shamawat hkawm nga ai Myen hpyen dap Tatma ( 99 ) npu Hk.M.Y ( 113 ) na hpyen hpung ni November, 3 ya shani Man Kawng mare ntsa bum hku htu shadut lung wa ai majaw shana daw hkying 2:00pm aten kalang, shana daw hkying 4:00pm kawn hkying 5:20pm aten daram du hkra KIA hpyen hpung ni hte gasat gala majan byin ai lam chye lu ai.
KIA Dap Ba ( 2 ) Dap Dung ( 6 ) ginra, Nam Sheng grup yin kaw nga ai Myen hpyen dap Hk.L.Y ( 261 ) dap na hpyen hpung ni November, 2 ya shani Zai Bru Hku, Ga Hkyeng Pa hte Zin Wa Hka ni de MM ( 60 ) hte gap bun ai lam chye lu ai.
