KIA hte Myen hpyen hpung ni Namsan Yang mare makau kaw gasat gala majan byin
Ginjaw Ginra, Nam San Yang mare a sinna maga Pause mare makau kaw, November shata 29 ya shani hkying 11:00am aten hta KIA Mungshawa Kanawn Mazum (MKM) hpyen hpung hte Myen hpyen hpung ni gasat gala majan byin ai lam chye lu ai.
Myen Hpyen Dap ni gaw, N.M.Hk kata na Hk.L.Y 140 Dap ni rai nna, Mali Hka Da Law maga kawn KIA hpyen hpung ni shara jahkrat nga ai Pause post maga de, shamu shamawt lung wa ai majaw jahkring mi gap hkat ai, grai wa laja lana byin ai lam gaw nnga ai, nga nna shawng lam hpyen shi sawk ni tsun ai.
November shata 22, bat hpang 5 ya shani hta mung, KIA hpyen hpung ni shara la nga ai, Nmwi Zup Post de, Myen hpyen hpung ni shamu shamawt shang wa ai majaw, KIA ni bawm hte hkap shingla gasat ai lam byin ai re.
