KIA hte Myen hpyen dap ni shara 2 kaw gasat gala majan byin

KIA Dap Ba 3, Dap Dung 27 ginra, Maji Gung kaba maga kawn shamu shamawt lung wa ai Ts.K.Hk 7 kata na Myen hpyen hpung ni gaw, KIA hpyen hpung ni shara jahkrat nga ai, Nga Nga Hkyet Post de htu lung wa ai majaw, November shata 30 ya jahpawt hkying 9:00am aten kawn minute 10 daram gasat gala majan byin ai lam chye lu ai.

November shata 30 ya shana daw hkying 3:00pm aten hta mung, KIA Dap Ba 5 ginra, shawng lam Seng Mai Post hpe, Dap mying n chye  ai Myen hpyen hpung ni wa htim gap ai majaw, KIA hte numdaw 2 lang laja lana gasat gala majan byin ai lam, shawng lam shi sawk ni kawn chye lu ai.