KIA ginra hta shani shagu Sinat kaba gap bun ai hte gasat gala majan byin nga
Mung Myit Sinli Ga ( Kachin Sub-State ), KIA Dap Ba ( 6 ) Dap Dung ( 36 ) ginra Nam Tau Ninghtawn, Loi Jaw Bum mayan kaw shamu shamawt hkawm nga ai Myen hpyen dap Tatma ( 99 ) npu, Hk.M.Y ( 113 ) dap na hpyen hpung ni hte KIA hpyen hpung ni November, 8 ya jahpawt hkying 8:00am aten kawn
gasat gala majan byin ai lam chye lu ai. Myen hpyen hpung ni 105 Miles bum ntsa kaw nna gasat gala majan byin ai shara de laknak kaba ni hte mung matut manoi gap bun ai lam chye lu ai.
KIA ( 252 ) Dap Nawng Dap Dung ginra, Nhkram, Kagam, Dabak hte Lahpai Kan kaw du nga ai Myen hpyen hpung ni November, 7 ya shani hkying 10:05am kawn hkying 11:00am aten du hkra Nhkram Bum mayan de 82 MM, 120 MM, 105 MM ni hte ( 46 ) lang gap bun ai lam chye lu ai.
KIA Dap Ba ( 2 ) Dap Dung ( 6 ) ginra Nam Ting kaw du nga ai Myen hpyen dap Hk.M.Y ( 426 ) na hpyen hpung ni mung, November, 7 ya shana daw hkying 2:00pm aten daram hta Yung Tung maga de 60 MM hte ( 30 ) lang gap bun ai lam chye lu ai.
