Tsang 9 jawngma num kasha marai 2 mat taw
Nmawk ninghtawn, Hka Wan Bang mare hte Nam Sai mare na num kasha marai 2 gaw, November shata 20 ya shani kaw nna dai ni December shata praw 10 ya shani du hkra, dum nta de pru wa ai lam nnga mat taw ai lam, buga masha ni kawn chye lu ai.
Mat taw nga ai num sha yan gaw, (Salang Sabaw Brang Ja) Jan Nhkum Hka Bu yan a kasha shayi Sabaw Zin Lu Bu asak 16 ning hte (Salang Lahpai Hkun Myet, Jan Sham Hkawn Doi) yan a kasha shayi Nang Mun San asak 15 ning yan re.
Ndai num sha yan gaw, Nmawk hkai sun kawng IDP camp kaw nga nhtawm, Nmawk lahta tsang jawng kaw lahkawng yan tsang 9 lung nga ai re lam chye lu ai.
“November shata 20 ya shani gaw, အမ်ဳိးသားန႔ဲ re majaw jawng nlung ai, Nang Mun San hpe gaw pawt ai lam hpa nnga ai bungli mung n galaw shangun ai, က်ဴရွင္ hte jawng sha sa shangun ai hpa majaw dai hku byin mat ai kun” nga nna Nang Mun San a katsa bawk Hpungtau Sham Naw Li tsun ai.
Num kasha yan mat ai hte seng nna seng ang ai Myen Asuya Balik Dap de mung shiga jaw sa gawn shangun ai lam nga ai, bai nna makyin jinghku ni hkan mung san sagawn yu sai raitim nmu ai nga nna, Hpt. Sham Naw Li matut tsun ai.
Mat taw nga ai num kasha yan hpe mu ang ai ni matut mahkai wa na matu phone hkring dat gaw, 09671459118. Nang Mun San a kana Nang Htoi Seng, 09265963401 Hpt. Sham Naw Li ni kaw matut mahkai wa mai ai.
