Myen hpyen hpung hte P.T.Ts Pawnghpawm hpyen hpung ni mara kata Mung masha ni hpe adup zingri da
Sadung Ginwang, Gara Yang Ninghtawn, Ja Lagat Yang, Bri Bra mare makau kaw Mam dan nga ai Wai Maw na Hpunau Lisu Slg.Yaw Na, Slg. Waw Sa hte Slg. Nya Sa ni hpe November, 15 ya shani
Myen hpyen dap Hk.M.Y ( 321 ) dap hte P.T.Ts pawng hpawm hpung ni mara kata rim adup zingri da ai lam chye lu ai.
Adup zingri hkrum ai Salang ni gaw hkala sawng ai rai nna, dai shana hkying 8:00pm aten daram hta bai dat ya sai lam chye lu ai.
