Chyahkai kawng kaw KIA hte Myen hpyen hpung ni gasat gala majan byin

Mungmyit Sinli Ga ( Kachin Sub-state ) KIA Dap Ba 4, Dap Dung 8 ginra hta shamu shamawt hkawm nga ai Myen Hpyen Dap Hk.L.Y 250 dap na hpyen n-gun 80 daram hte KIA hpyen hpung ni December shata 31 ya shana daw hkying 2:40pm kawn hkying 5:00pm aten du hkra, Mung Wi makau Nam Sai hka ntsa Chyahkai Kawng kaw gasat gala majan byin ai lam na chye lu ai.

Dai ni January shata praw 1 ya jahpawt hkying 9:00am aten hta mung, mana de gap hkat ai Myen hpyen hpung ni hte sha, KIA hpyen hpung ni, Mung Wi hte Pang Kanai lapran Nbaw Pa kaw gasat gala majan matut byin ai lam, shawng lam shi sawk ni kawn chye lu ai.