Myitkyina, Kachin Youth Center kaw Wunpawng Ramma ni hpe Miwa laika sharin ya ai lam galaw na

All Kachin Youth Union (AKYU) kaw nna woi awn nhtawm, Wunpawng ramma ni hpe Miwa laika sharin ya ai wunkat hpe Kachin Youth Center kaw January shata 20 ya shani kaw nna hpaw hpang na re lam chye lu ai.

Wunpawng ramma ni a matu Kachin Youth Center kaw English laika hte Miwa laika hpe sharin ya ai lam galaw ai re. Miwa laika hpe sharin hkamla mayu ai ramma ni yawng hpe hkap la ai re.

“Anhte a yaw shada lam gaw Kachin ramma ni, laika hpaji tsang hta grau nna maden jat wa na hte grau nna tinang bungli galaw sa ai lam hta masan sa wa na matu yaw shada ai re” nga nna AKYU a ningtau amu madu Saranum Nu Nu Awng tsun ai.

Madung gaw laika Buk manu kyats 8000 (Hking Matsat) sha hta ai re hte aten hpring lu lung ai jawngma ni hpe sha htang da ai re lam chye lu ai.