Miwa Gumsan Mungdan a dat kasa Salang Sun Guo Xiang woi awn hpung ni hte KIO Ginjaw Salang ni hkrum

Laiza Muklum Padang Rung Zuphpawng Gawknu kaw January shata 10 ya shani hkying 10:10am aten hta Miwa Gumsan Mungdan a dat kasa Salang Sun Guo Xiang woi awn ai marai 14 hpung ni hte KIO Ginjaw Salang ni hkrumzup ai lam chye lu ai.

KIO Tingnyang Up, KIC Ningbaw Kaba Nban La kaw nna, Salang Sun Guo Xiang woi awn hpung ni hpe hkap tau hkalum ga tsun ngut ai hpang KIO Ginjaw Komiti, Ninggawn Amu Madu Sara Kaba Kumhtat Hting Nan kaw nna KIO a simsa lam hte seng nna zuphpawng a lam tsun sang lang dan ai.

Salang Sun Guo Xiang kaw nna mung Laiza Muklum de du sa ai lam gaw, Miwa Htunghking shaning ningnan du wa sai re majaw, Htunghking jinghku masa lam hku nna sa jahkrum let, Myen Mungdan a simsa lam hta mahtai kaja lu na matu myit mada ai lam tsun ai.

Dai hpang KIO Ginjaw Salang ni hte shat da mi jawmsha nna hkying 12:50pm aten hta Miwa Gumsan Mungdan de bai nhtang wa sai lam chye lu ai.