Mung masha langai hpe Myen hpyen hpung ni gap sat

Nam Tau mare na Hpuntau Zahkung Hkun Mai ( Asak 49 ) ning hpe November, 22 shana daw hkying 4:00pm aten hta Pang Sai balik rung shawng kaw Myen hpyen la ni gap sat kau

ai lam chye lu ai.

Hpungtau Zahkung Hkun Mai gaw Cycle jawn nna Pang Sai mare hku lai wa ai shaloi balik rung shawng kaw gap hkrum nna shi manang lahkawng gaw mawdaw hte hprawng mat ai kaw marai langai a lahpa loi hkra hkala ai lam chye lu ai.

Mare masha ni kadai hpe mung sa woi la na a hkang njaw ai majaw Hpungtau Zahkung Hkun Mai gaw sai hkaw law mat ai majaw asak si sum mat ai re lam, mare masha ni kawn Nam Tau shinggyim garum ntum wuhpung ni hpe garum hpyi nna moi mang hpe htaw la lu sai lam chye lu ai.