Oi Law mare makau kaw TNLA hte Myen hpyen hpung ni gasat poi byin
Mungmyit Sinli Ga (Kaching Sub-state) KIA Masat 4 Dap Ba, Masat 8 Dap Dung ginra, Namhpakka Ginwang, Mung Wi Ginwang Daw, Oi Law mare makau kaw January shata 14 ya jahpawt hkying 8:00am kaw nna hkying 9:30am aten laman hta TNLA hte Myen Hpyen Dap, Dapnu 88 kata na hpyen hpung ni gasat poi byin ai lam na chye lu ai.
TNLA hpyen hpung ni nga ai shara de, Myen hpyen hpung ni shamu shamawt htu lung wa ai majaw, gasat gala majan byin ai re lam, shawng lam shi sawk ni shana wa ai.
January shata 12 ya shani hta mung Namhkam Myo Ne, Panghan mare hte Lawnaw lapran kaw TNLA hte Ts.K.Hk 7 kata na hpyen hpung ni gasat poi byin ai lam, TNLA shiga lawk kaw na chye lu ai.
January praw 1 ya shani hta Dap hpawm 3 rai nga ai, Kokang (MNTJP/MNDAA), Balawng (PSLF/TNLA), Rakhine (ULA/AA) ni hku nna, maga mi sha, shata 2 gap hkat jahkring ndau shabra laika shapraw da ai raitim, TNLA hte AA ni a ginra de shani shagu ngu na, Myen hpyen dap ni hte gasat gala majan byin nga ai re hpe mung chye lu ai.
