Freedom of Expression Training galaw na
Myitkyina Muklum Manghkring Kachin Youth Center kaw, January shata 17 hte 18 ya shani hta Yangon kaw na အသံ (လြတ္လပ္စြာ ထုတ္ေဖာ္ေျပာဆိုခြင့္လုပ္ရွားမႈအဖြဲ ့) hte Myen Mung jawngma Congress hpung (SYCB) ni woi awn nhtawm, Freedom of Expression Training hpe galaw na re lam chye lu ai.
“Training galaw ai yaw shada lam gaw Jinghpaw Mung kaw na ramma ni, wanglu wanglang tsun lu ai ahkaw ahkang hte seng nna, grau nna ningmu hpaw wa na hte tinang tsun shaga ai ga, tinang ka ai laika hkan wanglu wanglang gara hku mai tsun shaga ai lam ni hpe grau nna ningmu hpaw wa na matu re” nga nna All Kachin Youth Union (AKYU) Ningtau Amu Madu Saranum Nu Nu Awng tsun ai.
Madung gaw wanglu wanglang tsun shaga lu ai, Freedom of Expression ga baw hte seng ai lam hpe sharin ya na rai nna, sharin hpawng hta Jinghpaw Mung kata na ramma marai 30 sha, sharin hkamla na re lam chye lu ai.
