Kachin Sub State ginra hte Dap Dung ( 27 ) ginra hta gasat gala majan matut manoi byi nga
November, 26 ya jahpawt hkying 6:00am aten hta Kachin Sub-State ginra KIA Dap Dung ( 36 ), Pang Sai makau Hpai Kawng mare, Kawng Wai Bum Myen hpyen dap de lung wa ai lam kaw KIA hpyen hpung ni, Myen hpyen hpung ni hpe
ning hkap shingla gasat ai lam chye lu ai. Pang Sai kawn Yi Hku mare de lung wa ai lam lapran kaw mung shani hkying 1:00pm aten hta gasat gala majan byin ai lam chye lu ai.
November, 26 ya shani hta sha KIA Dap Ba ( 6 ) ginra, Mung Gu maga Man Jak Bum, Kawng Lung Bum grup yin de mung Myen hpyen dap ni Jet Fighter nbung li hte kalang wa gap yang lahkawng hkawng rai shani tup wa gap gasat ai lam chye lu ai.
KIA Dap Ba ( 3 ) Dap Dung ( 27 ) ginra, Nam Hka Bum kaw mung November, 26 ya jahpawt hkying 8:55am aten kaw Myen hpyen dap Hk.M.Y ( 503 ) na hpyen hpung ni hte KIA hpyen hpung ni gasat gala majan byin ai lam, shana daw hkying 3:00pm aten hta gaw dai gasat gala byin ai shara de Jet Fighter nbungli hte wa gap gasat ai lam chye lu ai.
