Bawngring bawngban hpawng galaw
Manmaw Ginwang, Manje buga hpung a bawngring wang kaw January shata 21 ya jahpawt hkying 9:00am aten kaw na, shana daw hkying 4:00pm aten du hkra, bawngring bawngban hpawng galaw ai lam chye lu ai.
Woi bawngban ai gaw KBC kaw na Sara Udi La Seng hte Sara Latau Naw Ra yan re ai.
“Tinang a buga, tinang a dinghku kata laning mi hta shang gumhpraw kade daram, jai gumhpraw kade ram nga ai lam, tinang gaw hpa baw bungli galaw ai, rung bungli kun? remlu remsha kun? gara hku remsha ai, ndai mabyin ni hpe shanhte ginjaw de la wa nhtawm bawngring lam hpe gara hku bai woi galaw na ngu ai lam ni hpe woi bawngban ai ” nga nna hpawng hta sa dung lawm ai Pin Oo Lwin lawk na Salang langai tsun dan ai.
Bawngban hpawng hta Manje buga hpung lawk kata rai nga ai, Hpangga Kawng, Man Yawt, Ga Ra Yang, Ganhtak, Yihku Manhkam, Sasan daw (1), Sasana daw (2), Sasana daw (3), Mare Htungwan, Jinghpaw lawk, Mawdaw lam pai hkra mayan hte Pin Oo Lwin lawk shagu na marai lahkawng hpra sa dung bawngban lawm ai lam chye lu ai.
