Mung shawa marai ( 4 ) hpe Myen hpyen hpung ni rim zingri da

Mung Myit Sinli Ga ( Kachin Sub-State ), ginra ni hta shamu shamawt hkawm nga ai Myen hpyen dap Tatma ( 33 ) kata na hpyen hpung ni November, 25 ya shani hkying 1:00pm aten hta Mung Baw buga, Bang Wa

mare na Nga, Dumsu tam hkawm ai Slg. Sumlut Nawng Ja, Slg. Gam Mun, Slg. Tangbau Naw hte Slg. Lahtaw Zau Bawk ni hpe rim woi mat wa ai lam chye lu ai.

Dai Mung shawa marai ( 4 ) hpe woi hkawm ai ten TNLA hpyen hpung ni hte ang katut gasat gala majan byin wa ai majaw shan hte marai ( 4 ) hpe shiga n chye jaw ai nga nna jahte tam adup gayet zingri nhtawm November, 26 ya jahpawt hkying 9:00am aten she bai dat ya ai lam chye lu ai.