Rawt malan hpyen hpung ni hte Myen hpyen hpung ni gasat gala matut byin nga
KIA Dap Ba ( 6 ), Dap Dung ( 36 ) ginra, Mung Gu group yin hta KIA, MNDAA, AA pawng hpawm hpyen hpung ni hte Myen hpyen hpung ni December, 3 ya shani hta mung gasat gala majan
matut byin nga ai rai nna Myen hpyen dap ni Jet nbungli ( 2 ) hte jahpawt hkying 7:00am aten kawn Mung Gu mare kata de bom wa jahkrat bun ai lam, dai hpang sinat machyu pala hte malu masha ngu maram lu ai rung rai ni hpe mung Myen hpyen hpung ni nga ai shara de nbungli kawn wa jahkrat ya ai lam chye lu ai.
Bai, KIA ( 252 ) Dap Nawng Dap Dung ginra, Gidon maga de mung Myen hpyen dap ni Jet nbungli ( 2 ) hte minutes ( 40 ) daram wa gap gasat ai lam chye lu ai.
KIA Dap Ba ( 3 ), Dap Dung ( 12 ) ginra Ba Hpang hte Nam Ngawn lapran na KIA hpyen dap hpe mung December, 3 ya shani hkying 1:00pm aten hta Myen hpyen dap ni Jet nbungli hte wa gap gasat ai lam chye lu ai.
