Mung Gu ginra hta Myen hpyen Nbungli bom a majaw Mungshawa ni si, hkala hkrum

Mung Myit Sinli Ga ( Kachin Sub-State ) ginra, Mung Gu grup yin hta December, 4 ya shani hta mung Rawt malan Pawng hpawm hpyen hpung ni hte Myen hpyen hpung ni gasat gala majan matut byin nga ai lam, dai hta

Myen hpyen dap ni gaw Jet nbungli ni hte mare kata de hkrup mara bom ni wa jahkrat bun ai majaw Nam Ha ( Ta-ang ) mare na Mungshawa marai ( 9 ) hkra hkala ai lam chye lu ai.

Nbungli bom hte hkra hkala hkrum ai Mungshawa marai ( 9 ) hta marai ( 3 ) gaw si hkrum mat ai rai nna, marai ( 6 ) gaw Miwa mung tsi rung de du sai lam mare masha ni shana wa ai kawn chye lu ai.