KIA Dap Ba ( 4 ) hte Dap Ba ( 6 ) ginra ni hta gasat gala majan matut byin nga

December praw ( 7 )  ya shani hkying 1:50pm aten daram hta KIA Dap Ba ( 4 ), Dap Dung ( 8 ) ginra, Da Woi mare

hku nna gale pru wa ai Myen hpyen dap Hk.L.Y ( 228 ) na hpyen hpung ni  hte  KIA hpyen hpung ni gasat gala majan byin ai lam chye lu ai.

KIA Dap Ba ( 6 ), Dap Dung ( 9 ) ginra, 105 Mile kawn yu wa ai Myen hpyen Modo ni hpe Nam Gut hte Hu Nawng lapran, Nam Tun kaw December praw ( 6 ) ya shani hkying 2:00pm aten daram hta KIA Dap Dung ( 8 ) na hpyen hpung ni hkap shingla gasat dat nna, shana daw hkying 3:30pm aten daram hta mung Yung Ngaw Htamlamun kaw numdaw mi bai hkap shingla gasat dat ai kawn gasat gala majan matut byin ai lam chye lu ai.