Hpyen koi yen hkawm nga ai Mung shawa ni nga ai shara de Myen hpyen hpung ni nbungli Bawm wa jahkrat bun
KIA Dap Ba ( 8 ) Dap Dung ( 5 ) ginra, Lagyen hte Da Wai mare makau kaw hpyen koi yen nga ai Mung shawa ni hpe
December praw 8 ya shana daw hkying 4:00pm aten daram hta Myen hpyen hpung ni Jet nbungli ( 2 ) hte ( 5 ) lang da bat nna Bawm wa jahkrat bun ai lam chye lu ai.
Hpyen yen mung shawa ni shat shadu sha nna wanhkut mawng ai hpe, Myen hpyen hpung ni gaw, KIA hpyen hpung ni re ngu shadu ai majaw wan hkut mawng ai shara shagu de nbungli hte bawm ni jahkrat bun ai re lam chye lu ai.
