KIA Dap Ba ( 1 ) hte Dap Ba ( 2 ) ginra kata na gasat gala majan shiga
December praw 16 ya jahpawt hkying 7:50am aten daram hta KIA Dap Ba ( 1 ), Dap Dung ( 4 ) ginra Au Ra yang kaw Myen hpyen hpung ni nbungli hte
wa htim gap ai majaw mare kata na Mung masha, Shayi Chyangku Nu Nu Mai a lapai lata kaw hkra hkala hkrum nna Ulawng yang kaw mung nbungli Bawm ( 2 ) jahkrat bun ai lam chye lu ai.
December praw 15 ya shani hkying 10:00am aten ram hta Myen hpyen hpung ni gaw KIA hpyen hpung ni nga ai Hpa Lai Bum hte Anang Pa maga de sinat kaba ( 20 ) lang gap bun ai lam chye lu ai. Dai hpang shana de maga hkying 2:00pm aten daram hta mung KIA Dap Dung ( 11 ) ginra, Mangsi Hka grupyin hta du nga ai Myen Hpyen Dap Hk.L.Y ( 37, 93, 260 ) kata na pawng hpawm Myen hpyen hpung ni KIA Hpyen Dap, Seng Da post maga de 60MM hte 20 lang gap bun ai lam chye lu ai.
