KIA Ginjaw Ginra kata na gasat gala majan shiga
December shata praw 16 ya jahpawt hkying 4:00am aten daram hta Gang Dau, Sama lam numshe hte Dabak mayan hkan du nga ai Myen hpyen hpung ni gaw
KIA Dap Nawng Daju, ( 252 ) Dap Nawng Dap Dung ginra, Gidon Hpyen Dap maga de laknak kaba ni hte n-hkring n-sa gap bun n-htawm, hkying 6:15am aten daram hta Jet Fighter ( 2 ) hte sa htim gap ai lam chye lu ai. Dai hpang, shani hkying 11:55am aten daram hta Myen Hpyen hpung ni Helicopter ( 2 ) hte kalang bai sa htim gap nna, shana maga hkying 1:30pm kawn nna gaw lagaw lam hte bai htim gasat lung wa ai lam chye lu ai.
Hpunpyen Bum, Bum Re Bum, Gang Dau yang hkan du nga ai Myen Hpyen hpung ni mung KIA Ginjaw Ginra Laiza grupyin hkan na KIA Hpyen Dap ni nga ai maga de jahpawt jau jau hkying 1:55am aten daram kawn nna shani tup nhkring nsa laknak kaba ni hte gap bang nga ai lam chye lu ai.
December shata praw 16 ya jahpawt hkying 7:00am ram hta KIA Dap Ba ( 5 ), Dap Dung ( 3 ) ginra Lai Hpawng Hpyen Dap maga de mung Jet Fighter ( 2 ) hte sa htim gap gasat ai lam chye lu ai.
