Ginhtawng hpung jawng lesson sharin Sara tai sharin hpawng galaw
Manmaw Ginwang Hkristan Hpaji Dap hpung jawng komiti ni woi awn nna, ginhtawng hpung jawng lesson sharin sara tai sharin hpawng hpe March shata praw 2 hte 6 ya laman Manmaw Ginwang Rung kaw galaw la lu sai lam chye lu ai.
“Sharin hpawng a yaw shada lam gaw KBC kaw na matsun ai hte ginhtawng ten hta KBC kaw na shapraw ai lesson, mahkawn, pictures ni hpe sha lang ai, ginhtawng jawng dat ten hta sasana wang kaw yup sha hku nna, Ma ni hpe mahkawn ni sharin, chyum laika sharin ai lam hte lesson ni hpe sharin ya ai lam galaw ai re” nga nna Manmaw Ginwang hpung jawng lit hkam Saranum Maran Seng Mun tsun ai.
Sharin Sara ni gaw Rev. Dr. Dashi Bawk San, Saranum Maran Seng Mun, Saranum Lahpai Ja Nu pan, Saranum Myitung Seng Pan, Saranum Mwihaw Hkawn Shawng hte Saranum Kareng Nu Hkawn Ja ni sharin ya ai.
Manmaw Ginwang kata hta hpung jawng lesson sharin Sara tai ai sharin hpawng hpe shawng ningnan lang galaw ai rai nna, sharin hpawng hta Manmaw Ginwang kata hta nga ai buga 29 kaw na Sara/num ni yawng marai 62 sa du sharin hkam la ai lam chye lu ai.
