KIA Ginjaw Ginra hte Dap Ba ( 6 ) Ginra kata na gasat gala majan shiga
December praw 23 ya shani hkying 1:30pm daram hta KIA Dap Ba ( 5 ) Dap Dung ( 3 ) ginra, Lai Hpawng bum mayan de
Myen hpyen hpung ni laknak kaba hte hkrup mara gap bang ai nhtawm, Point ( 1103 ) kaw du nga ai Myen hpyen hpung ni mung Lai Hpawng KIA hpyen dap maga de laknak kaba matut manoi gap bang ai hte shani hkying 2:30pm aten daram kawn Myen hpyen hpung ni Jet nbungli ( 3 ) hte KIA Mai Saw hpyen dap de wa htim gap ai lam chye lu ai.
December, 22 ya jahpawt hkying 8:25am aten daram hta KIA Dap Ba ( 6 ) Dap Dung ( 9 ) ginra Maw Tawng hte Deng ( 105 ) lapran hkan shamu shamawt hkawm ai Myen hpyen hpung ni hpe KIA hpyen hpung ni shingla gasat dat ai hpang Myen hpyen hpung ni grupyin shara ni de matu nmu sinat gap shangoi nga ai lam mung chye lu ai.
