Myen Hpyen hpung ni sat makoi da ai Mung Mare masha ( 18 ) a moi mang hpe mu tam

Myen hpyen hpung ni sat makoi lup da ai Nam Hkye Haw mare masha marai ( 18 ) a moi mang hpe mare masha ni mu tam lu ai hpe

dai ginra hta du nga ai Myen hpyen hpung ni dai shiga n tsun shabrawng lu na, tsun shabrawng ai na jang mare wan nat kau na ngu tsun jahkrit ai majaw, mare masha ni hkrit nna Miwa hkran de December, 21 ya shani kawn hpyen koi yen nga ai lam chye lu ai.

November, 20 ya shani kawn byin ai majan hta Nam Hkye Haw mare masha nkau mi gaw Miwa hkran de hprawng yen mat nhtawm, n hprawng yen ai sha mare kaw nga nga ai mare masha n-kau mi hpe Myen hpyen hpung ni sat nna nhkun langai hta sha lup bang da ai hpe majan zim ai hpang Miwa hkran de hprawng ai ni mare de bai wa tam mu ai re lam mung chye lu ai.