KIA Dap Ba ( 4 ) Ginra kata ni hta gasat gala majan matut manoi byin nga.
December praw ( 24 ) ya shani hkying 8:30am aten daram hta KIA Dap Ba ( 4 ), Dap Dung ( 8 ) ginra, Kut Hkai kaw nna lung wa ai Dap mying nchye ai Myen Hpyela htaw modo ( 1 ), hpyen arung arai htaw hpyen modo ( 17 ) hpe
KIA Dap Dung ( 8 ) na Myu tsaw hpyen hpung ni Namhpalun Bum kaw hkap shingla gap dat ai kawn gasat gala majan byin n-htawm, hkying 9:00am aten daram hta gasat gala byin nga ai shara de hpyen garum na matu lung wa ai Myen hpyen hpung ni hpe KIA Dap Dung ( 39 ) na Myu tsaw hpyen la ni Man Loi hte Namhpalun lapran kaw hkap shingla gap da tai kaw gasat gala majan matut byin ai lam chye lu ai.
Hkying 11:10am aten daram hta Nam Um hte Ya Htaik Company dingsa lapran kaw dap mying nchye ai Myen hpyen hpung ni hte KIA hpyen hpung ni gasat gala majan byin ai lam mung chye lu ai.
