Namtau mare masha langai hpe Myen hpyen hpung ni mara kata zingri sat kau

Mung Myit Sinli Ga ( Kachin Sub-State ), Namtau Buga, Hpunggan mare na Slg. Dashi Lawn hpe

December. 20 ya shani Myen hpyen hpung ni Namdum nhkun dingsa kaw mara kata adup zingri sat bang kau da ai lam chye lu ai.

December, 19 ya shani Myen hpyen hpung ni mare de lung wa ai majaw mare masha ni yawng hprawng mat ai hta Slg. Dashi Lawn mung hprawng ai rai tim lam kaw rim hkrum ai majaw ya na zawn zingri sat kau hkrum ai lam mung chye lu ai.

Slg. Dashi Lawn hpe zingri sat tawn ai hpe mare masha ni n gwi wa tam ai majaw N’htoi ( 6, 7 ) ya na ai hpang she Myen hpyen hpung ni, lawk Salang ni hpe shana wa ai majaw dai moi mang hpe wa tam mu la ai re lam chye lu ai.